Fýtbolshy Álibek Bóleshov sporttan ketti
ASTANA. QazAqparat - Belgili fýtbolshy Álibek Bóleshov sportshylyq mansabyn aıaqtap, Kókshetaýdyń «Oqjetpes» komandasynda qyzmet atqaratyn boldy. Bul týraly QazAqparat komandanyń saıtyna silteme jasap habarlaıdy.
Álibek Bóleshov 1981 jyldyń 9 sáýirinde Taldyqorǵan qalasynda dúnıege kelgen. Fýtbolshylyq mansabyn 1999 jyly óziniń týǵan qalasynyń «Jetisý» komandasynda bastady. Ol 20 jylǵa jýyq ýaqyt ishinde elimizdiń «Qaırat», «Aqtóbe», «Ordabasy», «Atyraý», «Taraz», «Suńqar» komandalarynda oıyn kórsetti. 2013 jyldan beri azdaǵan úzilispen Kókshetaýdyń «Oqjetpesiniń» namysyn qorǵap keledi. Alty jyl ishinde atalmysh komanda quramynda 141 oıyn ótkizip, qarsylastar qaqpasyna 58 gol soqty. Ol ázirge «Oqjetpestiń» surmergender kóshin bastap júrgen.
Qazaqstan ulttyq quramasynda 2002-2004 jyldar aralyǵynda 9 oıynǵa qatysty. Álibek Bóleshov Qazaqstan Premer-lıgasynda barlyǵy 332 oıyn ótkizip, qarsylastar qaqpasyna 100 gol soqqan.
Endi ol «Oqjetpes» komandasynda ákimshilik qyzmettiń birin atqaratyn boldy. Komanda basshylyǵy ázirge ol qandaı qyzmet ekenin naqty habarlaǵan joq.
