Fýtbolshy Krıstıan Erıksenniń densaýlyǵy match kezinde taǵy da kúrt nasharlady
ASTANA. KAZINFORM – Buryn «Tottenhem» men «Manchester ıÝnaıted» klýbtary sapynda óner kórsetken danııalyq fýtbolshy Krıstıan Erıksen Danııanyń Odense qalasynda ótken match kezinde alańǵa qulap tústi. BAQ málimetinshe, ol esin joǵaltpaǵan, al kezdesý toqtatyldy, dep habarlaıdy Euronews.
Krıstıan Erıksen ulttyq qurama sapyndaǵy match kezinde qaıtadan alańǵa qulaǵannan keıin esin saqtap qalǵanyn Danııa fýtbol federatsııasy jeksenbi kúni habarlady.
Tele kórsetilim kezinde 34 jastaǵy fýtbolshynyń Odensedegi Nature Energy Park stadıonynda ótken Danııa men Ýkraına quramalary arasyndaǵy joldastyq matchtyń 65-mınýtynda eki qolymen keýdesin ustaǵany kórindi.
Birneshe sátten keıin Erıksen kógalda jatty, al onyń aınalasyna oıynshylar jınaldy. Match merziminen buryn toqtatyldy.
– Krıstıan Erıksen esin biledi jáne jaǵdaıdy eskersek, ózin qanaǵattanarlyq sezinip otyr, – delingen federatsııanyń X áleýmettik jelisinde jarııalanǵan málimdemesinde.
Buǵan deıin Erıksenniń júregi 2021 jylǵy Eýropa chempıonatynyń toptyq kezeńinde Kopengagende ótken Danııa men Fınlıandııa quramalary arasyndaǵy alǵashqy match kezinde toqtap qalǵan edi.
Sol kezde oǵan alańda uzaq ýaqyt medıtsınalyq kómek kórsetilip, keıin ol esin jıǵan edi.
Aıta keteıik, fýtboldan ótken joldastyq kezdesýde Qazaqstan quramasy Armenııamen teń tústi.
