Fýtbolǵa tikken aqshasynan utylyp qalǵan stýdent terezeden sekirip ketti
ASTANA. QazAqparat - Qytaıda ekinshi kýrs stýdenti fýtbolǵa bás tigip, 3 myń dollarynan utylyp, ýnıversıtet kampýsynyń jetinshi qabatyndaǵy terezeden sekirip ketti, dep habarlaıdy interfax.ru.
Kýágerlerdiń sózderine qaraǵanda, marqum bireýmen 10 mınýttaı telefonmen sóılesip, utylǵan aqshasyn qaıtarýǵa biraz ýaqyt berýin ótingen. Sóılesip bolǵannan keıin shyǵyp ketken. Jas jigit birden aýrýhanaǵa jetkizilgenmen dárigerler onyń ómirin aman alyp qala almady. Kýrstastary artynan onyń Brazılııada ótip jatqan fýtboldan álem chempıonatynyń birneshe matchyna bás tigip, 20 myń ıýan ($3,2 myń) utylyp qalǵanyn aıtty. Al oǵan aqshany stýdent bireýden qaryzǵa alyp, ústemesimen qaıtaryp berem dep ýáde bergen eken.
