Fýtboldan joldastyq kezdesýde Qazaqstan quramasy Belarýske ese jiberdi

ASTANA. KAZINFORM — Búgin fýtboldan Qazaqstan ulttyq quramasy Belarýske qarsy joldastyq kezdesý ótkizdi. 

Oıyn barysynda belarýstik quramadan Valerıı Gromyko 26-mınýtta esep ashsa, odan keıin Valerıı Bocherov 31-mınýtta esepti ústemeleı tústi.

Al 50-mınýtta olardyń qatarynan Trofım Melnıchenko taǵy bir gol soqsa, oǵan qazaqstandyq Ǵalymjan Kenjebek 74-mınýtta bir golmen jaýap berdi.

Oıynnyń núktesin 85-mınýtta belarýstik Evgenıı Shıkavka soqqan gol qoıdy.

Osylaısha Qazaqstan quramasy qarsylasyna 1:4 esebimen jol berdi.

Qazirge deıin quramalar ózara jeti oıyn ótkizgen. Onyń tórteýinde Belarýs quramasy jeńse, taǵy eki match teń eseppen aıaqtalyp, bireýinde qazaqstandyq fýtbolshylar basym tústi. 

2026 jylǵy álem chempıonatynda qazaqstandyq fýtbolshylar J tobynda synǵa túsip jatyr. Qarsylastary — Belgııa, Soltústik Makedonııa, Ýels, Lıhtenshteın.

Qazirge deıin el quramasy Ýelske (1:3) jol berip, Lıýksembýrgti (2:0) qapy qaldyrdy. Týrnır kestesinde úsh upaımen úshinshi orynda keledi.

Endi 10 maýsymda óz alańynda Soltústik Makedonııany qabyldaıdy.

Al Belarýs quramasy endi 10 maýsymda óz alańynda Reseımen joldastyq kezdesý ótkizedi.