Fýtboldan joldastyq kezdesýde Qazaqstan quramasy Ázerbaıjannan jeńilip qaldy

ASTANA. KAZINFORM — Búgin, 11 maýsymda fýtboldan Qazaqstan jáne Ázerbaıjan quramalary arasynda joldastyq kezdesýi ótti.

Kezdesý barysynda qazaqstandyq fýtbolshylar jyldam eki gol soǵyp úlgerdi.

Oıynnyń 2-mınýtynda ıAn Vorogovskıı áriptesi Nuraly Áliptiń bergen pasyn golǵa aınaldyryp ketti.

Al 28-mınýtynda Abat Aıymbetovtyń bergen pasyn áriptesi Maksım Samaorodov qaqpa torynda týlatty.

Qarsylas qurama sapynan Mahır Emrelı 42-mınýtta esep aıyrmasyn qysqartsa, Emın Mahmýdov 51-mınýtta belgilengen penaltıden múlt ketken joq. 

Oıynnyń 73-mınýtynda Tural Baıramov soqqan gol qorytyndy esepti belgiledi.

Osylaısha Qazaqstan qarsylasyna 2:3 esebimen ese jiberdi. 

Aıta ketsek, ÝEFA Ulttar lıgasynyń 2024/25 maýsymynda Qazaqstan V lıgasynda Avstrııa, Norvegııa jáne Slovenııa quramalarymen birge úshinshi topta oınaıdy.

Alǵashqy oıynyn qazaqstandyq fýtbolshylar 6 sáýirde Norvegııaǵa qarsy ótkizedi.

Maýsym aıynyń basynda Stanıslav Cherchesov fýtboldan Qazaqstan quramasy bas bapkeri qyzmetine taǵaıyndaldy.

Eske sala keteıik, budan buryn Qazaqstan quramasy 7 maýsymda Armenııaǵa 1:2 esebimen ese jibergen edi.