Fýtboldan jastar arasyndaǵy álem chempıonaty Ózbekstan men Ázerbaıjanda ótedi

TAShKENT. KAZINFORM – 2027 jyly 20 jasqa deıingi fýtbolshylar arasyndaǵy (U-20) álem chempıonaty Ózbekstan men Ázerbaıjanda ótedi, dep habarlaıdy Kazinform agenttiginiń menshikti tilshisi.

Ózbekstan Fýtbol qaýymdastyǵynyń málimetinshe, bul saıys FIFA qoldaýymen ótkiziletin mańyzdy álem chempıonattarynyń biri.

- Sońǵy jyldary bizdiń elimiz kóptegen iri halyqaralyq týrnırlerdi qabyldaı otyryp, tájirıbe jınaqtady. Atap aıtqanda, 2024 jyly Ózbekstanda ótken FIFA fýtzalynan álem chempıonaty joǵary deńgeıde uıymdastyryldy jáne ol halyqaralyq qaýymdastyq tarapynan zor qoldaýǵa ıe boldy, - dep málim etti Ózbekstannyń Fýtbol qaýymdastyǵynan.

Eske salaıyq, bıyl Ázerbaıjan men Ózbekstan jastar arasynda fýtboldan álem chempıonatyn birge ótkizýge ótinim bergen bolatyn.

Qosa ketsek, birneshe kún buryn UEFA Chempıondar lıgasy negizgi kezeńiniń ekinshi týrynda qazaqstandyq «Qaırat» (Almaty) ıspanııalyq «Real Madrıd» (Ispanııa) komandasyn qabyldap, qonaq komandaǵa ese jiberdi.