Fýtboldan jasóspirimder quramasynyń aǵa bapkeri taǵaıyndaldy
ASTANA. QazAqparat - Fýtboldan 17 jasqa deıingi Qazaqstan jasóspirimder quramasyna aǵa bapker jáne onyń kómekshisi taǵaıyndaldy, dep habarlaıdy QazAqparat tilshisi Qazaqstan fýtbol federatsııasyna silteme jasap.
Aǵa bapker qyzmetin 43 jastaǵy Almas Qulshynbaev atqaratyn boldy. Onyń kómekshisi retinde Andreı Ferapontov taǵaıyndaldy.
Almas Qulshynbaev «Qaırat» (Almaty), «Esil-Bogatyr» (Petropavl), «Aqtóbe-Lento» (Aqtóbe), «Ordabasy» (Shymkent) jáne «Megasport» (Almaty) fýtbol klýbtarynda oınady. Elimizdiń ulttyq quramasy sapynda 12 oıyn ótkizgen. Bapkerlik qyzmetin 2008 jyly bastap, alǵash almatylyq «Megasport» komandasynyń jastaryna tálim berdi. Keıinnen «Suńqar» (Qaskeleń), «Spartak» (Semeı) jáne «Jetisý» (Taldyqorǵan) klýbtaryna bapkerlik etti. Ótken maýsymda 21 jasqa deıingi Qazaqstan jastar quramasynyń aǵa bapkeri boldy.
Al Andreı Ferapontov eńbek jolynda «Tsesna» (Almaty), «Іle-Sáýlet» (Ótegen Batyr aýyly), «Oqjetpes» (Kókshetaý), «Ordabasy» (Shymkent), «Maqtaral» (Maqtaral aýdany) klýbtarynda qyzmet atqardy. Sondaı-aq, Qazaqstannyń jastar jáne ulttyq quramalarynda jumys tájirıbesi bar.
Esterińizge sala ketelik, budan buryn fýtboldan Qazaqstan jastar quramasynyń aǵa bapkeri taǵaıyndalǵanyn habarlaǵan edik.
