Fýtboldan ulttyq quramanyń bas bapkeri Stanımır Stoılov qyzmetinen ketti
ASTANA. QazAqparat - Ulttyq quramanyń bas bapkeri Stanımır Stoılov qyzmetinen ketti, dep habarlaıdy QFF baspasóz qyzmeti.
«Qazaqstan fýtbol federatsııasy men Ulttyq quramanyń bas bapkeri Stanımır Stoılov eki jaqty kelisim boıynsha eńbek shartyn úzdi. Bolgarııalyq maman Stanımır Stoılov Qazaqstan Ulttyq quramasyn 2018 jyldyń naýryzynan beri basqaryp kelgen edi. Onyń jetekshiligimen bizdiń qurama úsh joldastyq match ótkizip, ÝEFA-nyń jańa týrnıri - Ulttar Lıgasyna qatysty. Sonymen qatar, jastar quramasynan birneshe oıynshyny shaqyrý arqyly ulttyq quramany jasartty» delingen federatsııanyń Instagram paraqshasynda jarııalanǵan habarlamada.
Sondaı-aq, Qazaqstan fýtbol federatsııasy Stanımır Stoılov pen onyń jattyqtyrýshylar shtabyna qazaqstandyq fýtboldy damytýǵa qosqan úlesi men atqarǵan eńbegi úshin alǵys bildirdi.
