Fýtboldan Ulttyq qurama sapynda ózgerister boldy
ASTANA. QazAqparat - Fýtboldan Qazaqstan quramasy sapynda birqatar ózgerister oryn aldy, dep habarlaıdy QazAqparat tilshisi.
«Ulttyq quramanyń bapkerlik shtaby komandanyń rezervin tekserý maqsatynda Baýyrjan Islamhan, Nenad Erıch jáne Georgıı Jýkovqa demalys berýge múmkindik jasady. Qazir olar qurama sapynda joq», - delingen Qazaqstan fýtbol federatsııasynyń málimetinde.
Qurama sapyna rezervtik tizimnen jartylaı qorǵaýshy ıÝrıı Pertsýh («Atyraý») pen shabýylshy Oralhan Ómirtaev («Shahter») shaqyryldy. Sondaı-aq, elimizdiń bas komandasyna Qyzylordanyń «Qaısarynan» qaqpashy Marsel Islamqulov kelip qosyldy.
Aıta ketelik, Ulttar lıgasynyń sońǵy týrynda Qazaqstan quramasy syrt alańda Grýzııamen kezdesedi. Atalmysh oıyn Grýzııa astanasy - Tbılısı qalasynda ótedi.
Esterińizge sala ketsek, 15 qarashada Qazaqstan quramasy óz alańynda Latvııamen 1:1 esebimen teń tústi. Qazir elimiz týrnır kestesinde 6 upaımen ekinshi orynda tur.
