Fýtboldan Ulttar lıgasynda Slovakııa komandasy Ázerbaıjandy utty
NUR-SULTAN. QazAqparat – Ulttar lıgasynyń S dıvızıonynda Ázerbaıjan Bakýde Slovakııa komandasyn qabyldady, dep habarlaıdy QazAqparat tilshisi.
Osynyń aldynda óz alańynda Qazaqstanǵa 0:1 esebimen ese jibergen Slovakııa komandasynyń quramy ájeptáýir jańardy.
Match taǵdyryn jalǵyz gol sheshti. 81-mınýtta Vladımır Vaıss toǵyzdyqty dál kózdedi. Budan keıin slovaktar taǵy bir dopty qaqpaǵa engizgenimen, fýtbolshy oıynnan tys qalǵandyqtan, gol eseptelmedi.
Osylaısha, Slovakııa 1:0 esebimen jeńiske jetip, úsh matchtan keıin 6 upaı jınady. Qazaqstan quramasynyń qorjynynda eki oıynnan soń alty upaı bar.
Reseılik maman Magomed Adıevtiń shákirtteri 11 maýsymǵa qaraǵan túni Serbııada Belarýs quramasymen jasyl alańǵa shyǵady.
Eske sala keteıik, fýtboldan UEFA Ulttar lıgasynda Portýgalııanyń kósh bastaǵanyn jazǵan bolatynbyz.
