Fýtboldan Ulttar lıgasynda Ispanııa men Portýgalııa teń tústi
NUR-SULTAN. QazAqparat - Fýtboldan UEFA Ulttar lıgasynda alǵashqy týr oıyndary ótti, dep habarlaıdy QazAqparat tilshisi.
Jankúıerler 2 maýsymdaǵy oıyndar kútizbesinde Ispanııa jáne Portýgalııa kezdesýine kóz tikti. A lıgasynda synǵa túsetin quramalar tartysty báseke kórsetti. Aldymen ıspanııalyq Alvaro Morata 25-mınýtta esep ashsa, oǵan portýgalııalyq Rıkardý Orta 82-mınýtta bir golmen jaýap qaıyrdy. Osylaısha quramalar 1:1 esebimen teń tústi.
Atalǵan toptaǵy taǵy bir kezdesýde Chehııa Shvetsııany 2:1 esebimen súrindirdi.
Al V lıgasynyń úshinshi tobyndaǵy Izraıl men Islandııa quramalary 2:2 esebine qanaǵat bildirdi.
Osy lıganyń tórtinshi tobynda Serbııa Norvegııadan 0:1, Slovenııa Shvetsııadan 0:2 esebimen jeńildi.
Sondaı-aq, S lıgasynyń ekinshi tobynda óz alańynda Kıpr Kosovoǵa 0:2, Soltústik Irlandııa Grekııaǵa 0:1 esebimen jol berdi.
Atalǵan lıganyń tórtinshi tobynda Bolgarııa men Soltústik Irlandııa 1:1 esebimen teń tússe, Grýzııa Gıbraltardan 4:0 esebimen basym tústi.
D lıgasy ekinshi tobynda Estonııa San-Marınony 2:0 esebimen jeńdi.
Atalǵan týrnırdegi alǵashqy týr oıyndary 3 jáne 4 maýsym kúnderi ótedi.
Eske salsaq, búgin S lıgasy úshinshi tobynda synǵa túsetin Qazaqstan quramasy óz alańynda Ázerbaıjan quramasyn qabyldaıdy. Bul toptaǵy taǵy bir kezdesýde Belarýs pen Slovakııa sheberlik baıqasady.
Buǵan deıin, Ulttar lıgasyna qatysatyn Qazaqstan quramasy anyqtalǵanyn jazǵan bolatynbyz.
