Fýtboldan Ulttar lıgasynda búgin Qazaqstan-Belarýs kezdesýi ótedi
ASTANA. QazAqparat - Fýtboldan UEFA Ulttar lıgasy besinshi týrynda Qazaqstan óz alańynda Belarýsti qabyldaıdy, dep habarlaıdy QazAqparat tilshisi.
Atalǵan kezdesý elorda ýaqytymen 20:00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Týrnır kestesinde Qazaqstan quramasy on upaımen kósh basynda tursa, alty upaı enshilegen Slovakııa ekinshi orynda keledi.
Qazaqstandyq fýtbolshylar Ázerbaıjandy 2:0, Slovakııany syrt alańda 1:0, óz alańynda 2:1 esebimen tize búktirdi.
Al Belarýspen syrt alańda 1:1 esebimen teń tústi.
Kezdesýde rýmynııalyq Horatsıý Fesnık bas tóreshi qyzmetin atqarady. Oǵan otandastary Valentın Avram men Aleksandrý Chereı kómekshilik jasaıdy. Qosalqy tóreshi de belgııalyq Radý Petreský.
Eki qurama buǵan deıin bir-birimen alty oıyn ótkizgen. Onyń 2-i teń nátıjemen aıaqtalsa, qalǵanynda belarýstik qurama jeńiske jetken.
Aıta ketsek, qazaqstandyq fýtbolshylar S lıgasy úshinshi tobynda synǵa túsedi. Qarsylastary - Belarýs, Ázerbaıjan men Slovakııa.
UEFA Ulttar lıgasynda 21 qyrkúıekte V lıgasy birinshi tobyndaǵy keıinge qaldyrylǵan kezdesýde Shotlandııa Ýkraınadan 3:0 esebimen basym tústi.
Foto: kff.kz
