Fýtboldan Ulttar lıgasynda Belgııa Nıderlandydan oısyraı jeńildi
NUR-SULTAN. QazAqparat - Fýtboldan UEFA Ulttar lıgasynda alǵashqy týrdyń ekinshi oıyn kúni ótti, dep habarlaıdy QazAqparat tilshisi.
Bul kúngi basty kezdesý retinde Belgııa jáne Nıderlandy quramasy oıynan atap ótýge negiz bar. Quramalar A lıgasy tórtinshi tobynda synǵa túsedi.
Aıta keterligi, kezdesý barysynda nıderlandylyq fýtbolshylar jınaqy qımyl kórsetti. Nátıjesinde, olar qarsylasyn 4:1 esebimen tize búktirdi.
Atalǵan toptaǵy taǵy bir kezdesýde Polsha Ýelsti 2:1 esebimen súrindirdi.
Al, A lıgasynyń birinshi tobynda óz alańynda Horvatııa Avstrııaǵa 0:3, Frantsııa Danııaǵa 1:2 esebimen jol berdi.
Sondaı-aq, S lıgasy úshinshi tobynda Slovakııa syrt alańda Belarýsti 1:0 esebimen tize búktirdi. Bul topta Qazaqstan óz alańynda Ázerbaıjannan 2:0 esebimen basym tústi.
D lıgasynda Moldova Lıhtenshteındi 2:0 esebimen jeńdi.
Eske salsaq, 2 maýsymda Ulttar lıgasynda alǵashqy týr oıyndary ótti.
