Fýtboldan Ulttar lıgasy: Qazaqstan Moldovaǵa qarsy quramyn jarııalady
NUR-SULTAN. QazAqparat - Fýtboldan Qazaqstan quramasy UEFA Ulttar lıgasy ótpeli satysynyń qarymta oıynyndaǵy Moldovaǵa qarsy quramyn jarııalady, dep habarlaıdy QazAqparat tilshisi.
Elimizdiń ulttyq quramasynyń bas bapker mindetin atqarýshy Andreı Karpovıch matchtyń alǵashqy mınýtynan bastap Moldovaǵa qarsy oınaıtyn fýtbolshylardyń esimin jarııalady.
Olardyń qatarynda Igor Shatskıı, Ǵafýrjan Súıimbaev, Nuraly Álip, Sergeı Malyı, Aleksandr Marochkın, Marat Bystrov, Ashat Taǵybergen, Islambek Qýat, Vladıslav Vasılev, Baktıer Zaınýtdınov, Abat Aıymbetov bar.
Al Moldova quramasynda alǵashqy mınýttan Dorın Raılıan, Oleg Rıabchýk, Vıacheslav Posmak, Vadım Bolohan, Igor Armash, Ioan-Kelın Revenko, Artýr Ionıtsa, Mıhaı Platıka, Vadım Ratsa, Mıhaıl Kaımakov, Ion Nıkolaeský jasyl alańǵa shyǵady.
Alǵashqy oıynda Qazaqstan quramasy syrt alańda Moldovany 2:1 esebimen jeńgen edi.
Eske salsaq, Qazaqstan quramasy Ulttar lıgasy 2020/21 jylǵy kezeńinde S lıgasynda Albanııa, Belarýs jáne Lıtvamen synǵa túsip, tórtinshi oryndy mise tutty.
Jeńimpaz qurama aldaǵy kezeńde S lıgasyndaǵy ornyn saqtap qalsa, jeńilgeni D lıgasynda synǵa túsedi.
