Fýtboldan ulttar lıgasy: Qazaqstan-Moldova oıynyn qaıdan kórýge bolady
NUR-SULTAN. QazAqparat - Fýtboldan Qazaqstan ulttyq quramasy búgin, 29 naýryzda Moldovamen UEFA Ulttar lıgasy ótpeli satysynyń qarymta oıynyn ótkizedi, dep habarlaıdy QazAqparat tilshisi.
Qazaqstan jáne Moldova kezdesýi 29 naýryzda elorda ýaqytymen 20:00-de bastalady. Oıyn «Qazsport» telearnasynan tikeleı efırde kórsetiledi.
Alǵashqy oıynda Qazaqstan quramasy syrt alańda Moldovany 2:1 esebimen tize búktirgen edi.
Eske salsaq, Qazaqstan quramasy Ulttar lıgasy 2020/21 jylǵy kezeńinde S lıgasynda Albanııa, Belarýs jáne Lıtvamen synǵa túsip, tórtinshi oryndy mise tutty.
Kezdesýde slovakııalyq Ivan Krýjlıak bas tóreshi qyzmetin atqarady. Ol buǵan deıin halyqaralyq 89 oıynda qazylyq jasady.
Oǵan otandastary – Branıslav Hanchko men ıAn Pozor kómekshilik jasaıdy.
Jeńimpaz qurama aldaǵy kezeńde S lıgasyndaǵy ornyn saqtap qalsa, jeńilgeni D lıgasynda synǵa túsedi.
