Fýtboldan Ulttar lıgasy: Qazaqstan-Moldova matchyna tóreshiler belgilendi
NUR-SULTAN. QazAqparat - Fýtboldan UEFA Ulttar lıgasy ótpeli satysynyń qarymta oıynyndaǵy Qazaqstan-Moldova kezdesýine tóreshiler quramy belgilendi, dep habarlaıdy QazAqparat tilshisi.
Atalǵan oıyn 29 naýryzda elordadaǵy «Astana Arena» stadıonynda ótkiziledi.
Onda slovakııalyq Ivan Krýjlıak bas tóreshi qyzmetin atqarady. Ol buǵan deıin halyqaralyq 89 oıynda qazylyq jasady. Oǵan otandastary – Branıslav Hanchko men ıAn Pozor kómekshilik jasaıdy. Qosalqy tóreshi – slovakııalyq Fılıp Glova.
Al VAR-júıesi boıynsha ıtalııalyq Paolo Valerı men Danıele Doverı qyzmet jasaıdy.
Eske salsaq, alǵashqy oıynda Qazaqstan quramasy syrt alańda Moldovany 2:1 esebimen tize búktirgen edi.
Eki oıynnyń nátıjesimen jeńimpaz qurama aldaǵy kezeńde S lıgasyndaǵy ornyn saqtap qalsa, jeńilgeni D lıgasynda synǵa túsedi.
