Fýtboldan Ulttar lıgasy: Qazaqstan quramasynyń oıyn kestesi belgili boldy
NUR-SULTAN. QazAqparat - Fýtboldan Qazaqstan quramasynyń S dıvızıonyndaǵy oıyn kestesi belgili boldy, dep habarlaıdy QazAqparat tilshisi.
Eske sala keteıik, búgin el quramasy S dıvızıondaǵy ornyn saqtap qaldy. Eki oıynnyń nátıjesimen (2:1, 0:1, penaltıden 5:4) Moldovany orta jolda qaldyrdy .
Endi qazaqstandyq fýtbolshylar S dıvızıonynda úshinshi topta synǵa túsedi. Qarsylastary - Slovakııa, Belarýs jáne Ázerbaıjan.
Qazaqstan quramasynyń Ulttar lıgasyndaǵy oıyn kestesi tómendegishe:
3 maýsym. Qazaqstan - Ázerbaıjan
6 maýsym. Slovakııa - Qazaqstan
10 maýsym. Belarýs - Qazaqstan
13 maýsym. Qazaqstan - Slovakııa
22 qyrkúıek. Qazaqstan - Belarýs
25 qyrkúıek. Ázerbaıjan - Qazaqstan
Sondaı-aq, 29 naýryzda Kıpr quramasy Estonııany óz alańynda 2:0 esebimen (birinshi oıyn 0:0) jeńip, S dıvızıonyndaǵy ornyn saqtap qaldy.
