Fýtboldan Ulttar lıgasy: Qazaqstan quramasy Moldovaǵa attandy
NUR-SULTAN. QazAqparat - Fýtboldan Qazaqstan ulttyq quramasy Moldova eline attanyp ketti. Onda 24 naýryzda Moldovamen UEFA Ulttar lıgasy ótpeli satysynyń alǵashqy oıynyn ótkizedi, dep habarlaıdy QazAqparat tilshisi.
Qazaqstan jáne Moldova quramalary 24 naýryzda elorda ýaqytymen 23:00-de bastalady. Kezdesý «Qazsport» telearnasynan tikeleı efırde kórsetiledi.
Bul kezdesýde el quramasynyń bas bapkeri mindetin qazaqstandyq maman Andreı Karpovıch atqarady. Ol atalǵan oıynǵa birqatar fýtbolshylarǵa senim bildirdi.
Moldovaǵa qarsy oınaıtyn fýtbolshylar tizimi tómendegishe:
Qaqpashylar: Stas Pokatılov («Aqtóbe»), Igor Shatskıı («Shahter»), Muhammedjan Seısen («Taraz»);
Qorǵaýshylar: Abzal Beısebekov («Astana»), Marat Bystrov («Ahmat», Reseı), Nuraly Álip («Zenıt», Reseı), Nurlan Daıyrov («Taraz»), Tımýr Dosmaǵambetov («Shahter»), Aleksandr Marochkın, Sergeı Malyı, Baǵdat Qaıyrov (barlyǵy - «Tobyl»), Temirlan Erlanov, Arman Keńesov (ekeýi de - «Aqtóbe»), Ǵafýrjan Súıimbaev («Aqsý»);
Jartylaı qorǵaýshylar: Islambek Qýat («Astana»), Baqtıer Zaınýtdınov (TsSKA, Reseı), Ashat Taǵybergen, Vladıslav Vasılev (ekeýi de - «Tobyl»), Aıbol Ábiken («Aqsý»), Dýman Nárzildaev («Kaspıı»), Ramazan Orazov («Aqtóbe»), Georgıı Jýkov («Vısla», Polsha), Abylaıhan Nazymhanov («Shahter»);
Shabýylshylar: Alekseı Şetkın («Rotor», Reseı), Abat Aıymbetov («Astana»), Roman Murtazaev («Shahter»), Aıbar Jaqsylyqov («Tobyl»).
Atalǵan kezdesýge qazylyq etetin tóreshiler belgilendi. Bas qazy qyzmetin grekııalyq Anastasıos Sıdıropýlos atqarady. Oǵan otandastary Polıhronıs Kostaras pen Lazaros Dımıtrıadıs kómekshilik jasaıdy. Tórtinshi tóreshi Vassılıs Fotıas pen VAR tóreshi Agelos Evangelý de sol elden. Al VAR-dyń taǵy bir tóreshisi Hýan Martınes Mýnýera Ispanııadan keledi.
Aıta ketsek, eki qurama jarystyń atalǵan satysynda 29 naýryzda taǵy bir márte kezdesedi. Jeńimpaz qurama aldaǵy kezeńde S lıgasyndaǵy ornyn saqtap qalsa, jeńilgeni D lıgasynda synǵa túsedi.
Eske salsaq, Qazaqstan quramasy Ulttar lıgasy 2020/21 jylǵy kezeńinde S lıgasynda Albanııa, Belarýs jáne Lıtvamen synǵa túsip, tórtinshi oryndy mise tutty.
