Fýtboldan Ulttar lıgasy: Qazaqstan quramasy eń úzdik kórsetkishine qol jetkizdi
ASTANA. QazAqparat - Fýtboldan UEFA Ulttar lıgasy altynshy týrynda Qazaqstan quramasy Ázerbaıjannan jeńilisinen keıin de týrnır kestesindegi birinshi ornyn saqtap qaldy, dep habarlaıdy QazAqparat tilshisi.
Qazaqstandyq fýtbolshylar S lıgasy úshinshi tobynda synǵa tústi. Qarsylastary - Slovakııa, Ázerbaıjan jáne Belarýs.
El quramasy alty oıynnyń 4-eýinde jeńiske jetse, 1-eýinde teń oınap, 1-eýinde qarsylasqa ese jiberdi .
Qazaqstandyq fýtbolshylar bir týr buryn V dıvızıonyna joldamaǵa qol jetkizdi. Oǵan qosa 2024 jylǵy Eýropa chempıonaty fınaldyq satysyna beriletin joldamany sarapqa salýǵa múmkindik aldy.
Endi el quramasy aldaǵy maýsymda V dıvızıonynda Anglııa, Ýkraına, Irlandııa, Norvegııa, Slovenııa jáne ózge de quramalarmen oınaıdy. Olardyń tolyq quramy 27 qyrkúıekte tolyqtaı belgili bolady.
Atalǵan topta týrnır kestesinde birinshi oryn Qazaqstanǵa buıyrsa, odan keıingi oryndarda Ázerbaıjan, Slovakııa, Belarýs quramalary ornalasty.
Bıyl Qazaqstan quramasy qarsylastar qaqpasyna segiz gol soǵyp, óz qaqpasyna alty gol jiberip aldy. Týrnır barysynda el quramasynan Abat Aıymbetov 3, Aslan Darabaev, ıAn Vorogovskıı, Elhan Astanov, Mıhaıl Gabyshev, Baktıer Zaınýtdınov bir-birden gol soqty.
Týrnır barysynda qazaqstandyq fýtbolshylar 18 márte sary, 2 márte qyzyl qaǵaz aldy.
El quramasy buǵan deıin UEFA Ulttar lıgasy týrnırine eki márte qatysty. Bıyl atalǵan týrnırdegi úzdik kórsetkishine qol jetkizdi.
Aldymen 2018/2019 jyldarda D dıvızıonynda ekinshi oryn aldy. Aldyna Grýzııa quramasyn salyp, Latvııa men Andorrany artqa qaldyrdy.
Al 2020/2021 jyldarda S dıvızıonynda Albanııa, Belarýs jáne Lıtvany alǵa salyp, tórtinshi oryndy mise tutty. Ótpeli oıynda Moldovany (2:1,0:1, penaltıden 6:4) orta jolda qaldyrdy.
