Fýtboldan Ulttar lıgasy: Qazaqstan komandasynyń quramy ózgerdi
NUR-SULTAN. QazAqparat - Fýtboldan Qazaqstan ulttyq quramasynyń úsh oıynshysy aldaǵy Ulttar lıgasynyń eki oıynyna qatyspaıtyn boldy, dep habarlaıdy QazAqparat tilshisi.
Esterińizge sala ketelik, qazaqstandyq fýtbolshylar aldaǵy kúnderi Lıtva men Belarýs quramalarymen kezdesedi. Anyqtalǵandaı, bul oıyndarǵa qaqpashy Igor Shatskıı, qorǵaýshy Dmıtrıı Shomko jáne shabýylshy Alekseı Şetkın qatyspaıdy.
Bapkerler sheshimimen olardyń ornyna Almatynyń «Qaıratynan» qaqpashy Danıl Ýstımenko, Shymkenttiń «Ordabasynan» qorǵaýshy Tımýr Dosmaǵanbetov pen shabýylshy Sergeı Hıjnıchenko shaqyrtý aldy.
Qazaqstan quramasy 4 qyrkúıekte syrtta Lıtvamen sheberlik baıqasady. Al 7 qyrkúıekte Almatyda Belarýs quramasyn qabyldaıdy.
Sondaı-aq, Eýropa lıgasynda qazaqstandyq klýbtardyń yqtımal qarsylastary anyqtaldy.
