Fýtboldan Ulttar lıgasy: Frantsııa quramasy alǵashqy jeńisine qol jetkizdi
ASTANA. QazAqparat - Fýtboldan UEFA Ulttar lıgasy besinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Bul kúni negizgi oıyn A dıvızıony birinshi tobyndaǵy Frantsııa men Avstrııa, Horvatııa men Danııa quramalary arasynda ótti.
Frantsýzdar alǵashqy tórt týrda sátsiz oıyn kórsetti. Nebári eki upaıǵa qol jetkizdi. Atalǵan kezdesýde jeńiske jetpegen jaǵdaıda aldaǵy maýsymda V lıgasyna túsip qalýy ábden múmkin bolatyn.
Nátıjesinde frantsýzdyq fýtbolshylar qarsylasyn 2:0 esebimen jeńip, alǵash ret jeńiske jetti.
Al Horvatııa Danııadan 2:0 esebimen basym tústi.
Aıta ketsek, S dıvızıony úshinshi tobynda synǵa túsip jatqan Qazaqstan quramasy 22 qyrkúıekte óz alańynda Belarýsti 2:1 esebimen súrindirdi. Óz tobynda birinshi oryn alǵan qazaqstandyq fýtbolshylar bir týr buryn V lıgasyna beriletin joldamaǵa qol jetkizdi.
Atalǵan toptaǵy taǵy bir kezdesýde óz alańynda Slovakııa Ázerbaıjanǵa 1:2 esebimen jol berdi.
Atalǵan týrdaǵy barlyq oıyn nátıjesi tómendegishe:
A dıvızıony. Birinshi top. Frantsııa - Avstrııa 2:0, Horvatııa - Danııa 2:1
A dıvızıony. Tórtinshi top. Belgııa - Ýels 2:1, Polsha - Nıderlandy 0:2
S dıvızıony. Birinshi top. Lıtva - Farer araldary 1:1, Túrkııa - Lıýksembýrg 3:3
S dıvızıony. Úshinshi top. Qazaqstan - Belarýs 2:1, Slovakııa - Ázerbaıjan 1:2
D dıvızıony. Birinshi top. Latvııa - Moldova 1:2, Lıhtenshteın - Andorra 0:2
Endi besinshi týrdyń qalǵan oıyndary 23 jáne 24 qyrkúıek kúnderi jalǵasady.
Foto: www.vseprosport.ru
