Fýtboldan Ulttar lıgasy: Fınalda Gollandııa men Portýgalııa kezdesedi
NUR-SULTAN. QazAqparat - Búgin fýtboldan ÝEFA Ulttar lıgasy fınaldyq kezeńiniń aqtyq saıysyna joldama alǵan ekinshi qurama anyqtaldy. Gollandııa quramasy fınalda Portýgalııamen kezdesetin boldy, dep habarlaıdy QazAqparat tilshisi.
Portýgalııanyń Gımaraınsh qalasyndaǵy «Afonsý Enrıkesh» stadıonynda Gollandııa men Anglııa quramalary sheberlik baıqasty. Oǵan jınalǵan 30 myńnan astam jankúıer qos quramanyń tartysty básekesin tamashalady.
Qos qurama da tolaıym tabystarǵa qol jetkizgen. Anglııa 1966 jyly álem chempıony ataǵyna qol jetkizse, 1968 jáne 1996 jyldary Eýropa birinshiliginde qola júldeger atanǵan. Al Gollandııa quramasy 1988 jyly Eýropa chempıony ataǵyn jeńip alsa, atalmysh básekede tórt márte qola (1976, 1992, 2000, 2004) júldeger boldy. Olar álem chempıonatynda úsh márte kúmis (1974, 1978, 2010), bir márte qola (2014) medal aldy.
Gollandııa quramasy fýtboldan ÝEFA Ulttar lıgasy irikteý kezeńinde A lıgasynyń birinshi tobynda Frantsııa men Gollandııany artqa qaldyryp ketti. Al Anglııa tórtinshi topta Ispanııa men Horvatııadan myqtylyǵyn tanytty.
Búgingi kezdesýde alǵashqy mınýttan bas bapker Ronald Kýmannyń sheshimi boıynsha Gollandııa quramasy sapynda ıAsper Sıllessen, Matteıs de Lıgt, Vırdjıl van Deık, Deılı Blınd, Denzel Dıýmfrıs, Jorjıno Veınaldým, Marten de Ron, Frenkı de Iong, Stıven Bergveın, Raıan Babel jáne Memfıs Depaı shyqty. Al Anglııanyń bas bapkeri Garet Saýtgeıt olarǵa qarsy Djordan Pıkford, Kaıl Ýolker, Djon Stoýns, Garrı Magýaır, Bendjamın Chılvel, Fabıan Delf, Deklan Raıs, Ross Barklı, Rahım Sterlıng, Djeıdon Sancho jáne Markýs Rashford sekildi shákirtterine senim bildirdi.
Birinshi kezeńde eki qurama da laıyqty deńgeıde qarsylyq kórsete aldy. Alma-kezek shabýylmen órbigen oıyn barysynda esep ashatyn birneshe mumkindik bolǵan edi. Degenmen oıynnyń 32-mınýtyna deıin esep ózgermeı turdy. Dál sol sátte Gollandııa qaqpasy aýmaǵynda oıyn tártibi buzyldy. Ony Markýs Rashford múlt jibergen joq. Osylaısha Anglııa quramasy alǵa shyqty. Budan keıin de esepti ózgertetin birneshe qaýipti sátter boldy. Degenmen tablodaǵy esep ózgergen joq.
Ekinshi kezeń de alma-kezek shabýylmen órbip jatty. Alǵashqy on mınýttyń ishinde eki quramanyń da gol soǵatyn múmkindigi bolǵan edi. Alaıda sol sátterde qos quramanyń qaqpashylary ábjildik tanytyp, óz qaqpasyn aman saqtap qaldy. Al Matteıs de Lıgt áýelep kelgen dopty 73-mınýtta Anglııa qaqpasyna soǵyp ketti. Osylaısha tarazy basy teńesti. Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda aǵylshyn qorǵaýshysy Kaıl Ýolker 97-mınýtta avtogol soqsa, golland shabýylshysy Kvınsı Promes 114-mınýtta qorytyndy esepti belgiledi. Gollandııa Anglııadan 3:1 esebimen basym túsip, fınalǵa joldama aldy.
Gollandııa men Anglııa quramalary búgingi kúnge deıin 21 márte kezdesken. Qos qurama da alty-alty márteden jeńiske jetse, qalǵan oıyndarda teń nátıje tirkeldi.
Aıta keteıik, keshe, 6 maýsymda Portýgalııa Shveıtsarııa quramasyn 3:1 esebimen tize búktirip, aqtyq saıysqa joldama alǵan edi. Bul oıynda Portýgalııanyń jaryq juldyzy Krıshtıaný Ronaldý het-trık jasady.
Endi 9 maýsymda Portýda Gollandııa men Portýgalııa ÝEFA Ulttar lıgasy chempıonyn anyqtasa, Gımaraınshta Anglııa men Shveıtsarııa qola júldege talasady. Oıyndar QazSport telearnasynan tikeleı efırde kórsetiledi.
