Fýtboldan Ulttar lıgasynyń fınaly Germanııada ótedi

ASTANA. KAZINFORM - Fýtboldan ÝEFA Ulttar lıgasynyń fınaldyq kezeńi Germanııada ótetin boldy.

Mıýnhen qalasyndaǵy «Arena Mıýnhen» stadıony jartylaı fınaldyń biri men fınaldy qabyldaıdy. Al Shtýtgarttaǵy «Shtýtgart Arena» jartylaı fınaldyń taǵy bir kezdesýi men úshinshi oryn úshin matchty ótkizedi.

A lıgasy jartylaı fınaly 4 jáne 5 maýsym kúnderi bolsa, úshinshi oryn men fınal 8 maýsymǵa belgilengen.

1/2 fınalda Germanııa men Portýgalııa, Ispanııa men Frantsııa sheberlik baıqasady.

Ulttar lıgasy 2018 jyldan beri eki jyl saıyn turaqty túrde ótkizilip keledi. Qazirge deıin Portýgalııa, Frantsııa, Ispanııa bir-birden chempıon atandy.

2024 jyly Qazaqstan quramasy V lıgasynda synǵa tústi. Óz tobynda Norvegııa, Avstrııa, Slovenııany alǵa salyp, tórtinshi oryndy mise tutty.

Aıta ketsek, el quramasy V lıgasy úshinshi tobynda synǵa tústi. Qazirge deıin óz alańynda Norvegııamen 0:0 esebimen oınasa, syrt alańda olarǵa 0:5 esebimen ese jiberdi. Al Slovenııaǵa 0:3, 0:1 , Aýstrııaǵa 0:4, 0:2 esebimen jeńildi.

Endi olar aldaǵy maýsymda qaıtadan S lıgasynda baq synaıdy.