Fýtboldan Ulttar lıgasy: Qazaqstan jáne Grekııa kezdesýi qaı arnadan kórsetiledi

ASTANA. KAZINFORM - Fýtboldan Ulttar lıgasy pleı-off satysyndaǵy Qazaqstan jáne Grekııa quramalarynyń kezdesýi qaı arnadan kórsetiletini belgili boldy.

2024 jylǵy Eýropa Chempıonatynyń joldamasy úshin eki qurama 21 naýryzda baq synaıdy. Oıyn 21 naýryzdan 22-ne qaraan túni saǵat 00:35-te «Qazaqstan» jáne «Qazsport» telearnalarynan tikeleı efırde kórsetiledi.

Qazir ulttyq qurama Birikken Arab Ámirliginiń Dýbaı qalasynda oqý-jattyǵý jıynyn ótkizip jatyr.

Oqý-jattyǵý jıyny aıasynda qazaqstandyq fýtbolshylar Túrkimenstanmen ótken joldastyq kezdesýde qarsylasyn 2:0 esebimen tize búktirdi.

Keıinnen oqý-jattyǵý jıynyna Baktıer Zaınýtdınov pen Abat Aıymbetov qosyldy.

Aıta ketsek, el quramasy Grekııaǵa 19 naýryzda attanady.

Jeńgen jaǵdaıda 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady. Jeńimpaz qurama 2024 jylǵy Eýropa chempıonaty fınaldyq satysyna joldama alady.

Qazaqstandyq fýtbolshylar qurlyqtyq dodanyń irikteý satysynda H tobynda synǵa túsip, úshinshi orynǵa turaqtady. Olar barlyǵy 18 upaı jınap, ulttyq quramanyń rekordyn jańartty.