Fýtboldan Ulttar lıgasy: Qazaqstan áıelder quramasynyń keńeıtilgen tizimi jarııalandy
ASTANA. KAZINFORM - UEFA Ulttar lıgasyna qatysatyn Qazaqstan áıelder quramasynyń keńeıtilgen tizimi jarııalandy.
Oqý-jatttyǵý jıyny 23 mamyrda Almaty qalasyndaǵy «Qaırat» fýtbol klýbynyń bazasynda bastaldy. Daıyndyq barysynda eki joldastyq kezdesý ótkizý josparlanǵan.
Qazaqstandyq fýtbolshylar atalǵan qarsylasymen Almaty qalasynda 25 jáne 28 mamyr kúnderi oınaıdy. Bastalýy Qazaqstan ýaqytymen 15:00-ge belgilengen.
Oıyndar «QazSport» telearnasy men KFF YouTube-arnasy arqyly tikeleı efırde kórsetiledi.
El quramasy Ulttar lıgasy S dıvızıony úshinshi tobynda synǵa túsip jatyr. Qarsylastary - Armenııa, Lıýksembýrg jáne Lıhtenshteın.
Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirse, tórtinshi týrda 3:2 esebimen basym tústi.
Aıta ketsek, Qazaqstan áıelder quramasy ÝEFA Ulttar lıgasy aıasynda sheshýshi eki oıynyn ótkizedi. Aldymen 30 mamyrda Qazaqstan quramasy Lıhtenshteındi qabyldasa, araǵa úsh kún salyp Lıýksembýrgpen kezdesedi.
Tizimge barlyǵy 28 oıynshy engizilgen.
Qaqpashylar: Angelına Portnova («Diyarbakir», Túrkııa), Nazym Ismaılova («Tomırıs-Turan»), Ásel Anýarbek («Ulytaý»);
Qorǵaýshylar: Aleksandra Býrova, Bıbigúl Nurysheva («BIІK-Shymkent»), Karına Botabek («Ulytaý»), Qazyna Norbaeva («Aqtóbe»), Nursaıa Sultan («Ulytaý»), Marııa Demıdova («Mınsk»), Adelııa Bekqojına («Jeńis»), ıÝlııa Mıasnıkova (TsSKA, Reseı);
Jartylaı qorǵaýshylar: Karına Jumabaıqyzy («Aqtóbe»), Ksenıa Haırýlına, Janelıa Erjanova, Mádına Jańataeva («Aqtóbe»), Anastasııa Nızamýtdınova («Enıseı», Reseı), Ásel Jolbolat («Ulytaý»), Karına Berikova («Bornova Hitab Spor», Túrkııa);
Shabýylshylar: Jansezim Aısapar («Ulytaý»), Ásem Qarajanova, Aıda Gaıstenova («Aqtóbe»), Arý Ermaǵambetova, Nazym Aldanazar, Tomırıs Rahatjan («Qaırat»), Polına Týchına («Qaırat»), Áselhan Turlybekova («BIІK-Shymkent»), Ámına Bıbosynova («Turbine Potsdam», Germanııa), Anastasııa Tıan («Tomırıs-Turan»);