Fýtboldan UEFA Ulttar lıgasynda Ýkraına Armenııa quramasyn oısyrata utty
NUR-SULTAN. QazAqparat – UEFA Ulttar lıgasynyń V dıvızıonynda oınaıtyn Ýkraına Lodz qalasynda Armenııa komandasyn qabyldady, dep habarlaıdy QazAqparat tilshisi.
Buǵan deıin Ýkraına syrt alańda Irlandııany 1:0 esebimen jeńgen edi. Al Armenııa óz alańynda sol ırlandııalyqtardy 1:0 esebimen tize búktirip, Shotlandııada 0:2 esebimen ese jibergen bolatyn.
Negizinen alań ıeleriniń basymdylyǵymen ótken bul oıynda 61-mınýtta Aleksandr Karavaevtan pas alǵan Rýslan Malınovskıı esep ashty. Al 77-mınýtta A.Karavaevtyń ózi mergendik tanytty – 2:0. 84-mınýtta qorǵaýshynyń qateliginen keıin Vıtalıı Mıkolenko esepti 3:0-ge jetkizdi.
Osylaısha, eki oıynnan keıin 6 upaı jınaǵan Ýkraına komandasy óz tobynda kósh bastady.
Bıyl Katarda ótetin álem chempıonatynyń irikteý kezeńinde Ýkraına men Qazaqstan bir topta oınap, eki matchta da teń túsken edi.
Eske sala keteıik, budan buryn fýtboldan Ulttar lıgasynda Slovakııanyń Ázerbaıjandy utqanyn jazǵan bolatynbyz.
Sondaı-aq Qazaqstan Belarýspen teń tústi.
