Fýtboldan UEFA Ulttar lıgasynda búgin Qazaqstan-Slovakııa kezdesýi ótedi
NUR-SULTAN. QazAqparat - Fýtboldan UEFA Ulttar lıgasy tórtinshi týrynda Qazaqstan óz alańynda Slovakııany qabyldaıdy, dep habarlaıdy QazAqparat tilshisi.
Atalǵan kezdesý elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.
Týrnır kestesinde Qazaqstan quramasy jeti upaımen kósh basynda tursa, alty upaı enshilegen Slovakııa ekinshi orynda keledi.
Qazaqstandyq fýtbolshylar Ázerbaıjandy 2:0, Slovakııany 1:0 esebimen tize búktirse, Belarýspen 1:1 esebimen teń tústi.
Kezdesýde belgııalyq Bramom van Drıske bas tóreshi qyzmetin atqarady. Oǵan otandastary Romen Devııers pen Kevın Montenı kómekshilik jasaıdy. Qosalqy tóreshi de belgııalyq Jonatan Lardo. Sondaı-aq, tóreshiniń vıdeo jóninen kómekshisi nıderlandylyq Ingmar Oýstrom.
Aıta ketsek, qazaqstandyq fýtbolshylar S lıgasy úshinshi tobynda synǵa túsedi. Qarsylastary - Belarýs, Ázerbaıjan men Slovakııa.
