Fýtboldan UEFA Ulttar lıgasynda Belgııa Polshany oısyrata jeńdi
NUR-SULTAN. QazAqparat - Fýtboldan UEFA Ulttar lıgasynda ekinshi týry máresine jetti, dep habarlaıdy QazAqparat tilshisi.
Bul kúngi negizgi kezdesý Belgııa men Polsha quramalary arasynda ótti. Alǵashqy týrda Nıderlandy quramasyna 1:4 esebimen oısyraı jeńilgen belgııalyq qurama jankúıerler aldynda jaqsy oıyn órnegin kórsetti. Nátıjesinde qarsylasyn 6:1 esebimen súrindirdi.
Olardyń qatarynan Aksel Vıtsel (42-mınýt), Kevın De Breıne (59-mınýt), Leandro Trossard (73, 80, 83-mınýttar), Lýa Openda (90-mınýt) gol soqsa, oǵan polshalyq Robert Leandovskı (28-mınýt) bir golmen jaýap qaıyrdy.
Atalǵan toptaǵy Nıderlandy syrt alańda Ýelsti 2:1 esebimen jeńip, eki oıynnan keıin alty upaımen kósh basynda tur.
Bul kúngi ózge oıyn nátıjeleri tómendegishe:
V lıgasy 1 top
Shotlandııa - Armenııa 2:0
Irlandııa - Ýkraına 0:1
Búgin, 9 maýsymda úshinshi týr oıyndary bastalady. Qazaqstan quramasy erteń, 10 maýsymda syrt alańda Belarýspen kezdesedi.
Eske salsaq, budan buryn eki oıynda jeńiske jetken qazaqstandyq fýtbolshylar óz tobynda birinshi orynda keledi.
