Fýtboldan UEFA Ulttar lıgasynda Anglııa Vengrııadan jeńilip qaldy
NUR-SULTAN. QazAqparat - Fýtboldan UEFA Ulttar lıgasynda alǵashqy týrdyń úshinshi oıyn kúni ótti, dep habarlaıdy QazAqparat tilshisi.
Bul kúngi basty kezdesý A lıgasy úshinshi tobyndaǵy Italııa men Germanııa arasynda boldy.
Match barysynda ıtalııalyq Lorentso Pellegrını 70-mınýtta esep ashsa, 73-mınýtta germanııalyq Iozýa Kımmıh tarazy basyn teńestirdi. Osylaısha quramalar 1:1 esebine qanaǵat bildirdi.
Atalǵan topta synǵa túsetin Vengrııa Anglııany 1:0 esebimen súrindirdi.
Al V lıgasy birinshi tobynda Armenııa Irlandııadan 1:0 esebimen basym tústi. Bul týrdaǵy Shotlandııa jáne Ýkraına kezdesýi 21 qyrkúıekke belgilengen.
Atalǵan lıganyń úshinshi tobynda Fınlıandııa men Bosnııa jáne Gertsegovına 1:1 esebimen teń tússe, Chernogorııa Rýmynııany 2:0 esebimen jeńdi.
S lıgasy birinshi tobynda Lıtva Lıýksembýrgke 0:1 esebimen jol berse, Túrkııa Farer araldaryn 4:0 esebimen tize búktirdi.
Endi 5 maýsymda Ulttar lıgasynda ekinshi týr oıyndary bastalady.
Eske salsaq, Qazaqstan quramasy fýtboldan UEFA Ulttar lıgasyn jeńispen bastady.
