Fýtboldan UEFA Ulttar lıgasynyń jerebesi 8 aqpanda tartylady

ASTANA. KAZINFORM - Fýtboldan UEFA Ulttar lıgasynyń 2024/25 jylǵy maýsymynda Qazaqstan quramasy tórtinshi sebetke tústi. 

2024/25 jylǵy UEFA Ulttar lıgasynyń jerebe tartýyna arnalǵan sebetter anyqtaldy.

Eki jyl buryn Qazaqstan quramasy S lıgasynyń jeńimpazy atandy. Demek kelesi maýsymda bizdiń fýtbolshylar V lıgasynda óner kórsetedi.

2024/25 jylǵy UEFA Ulttar lıgasynyń jerebe tartý rásimi aldaǵy 8 aqpan kúni Frantsııa astanasy Parıjde ótedi. 

Qazaqstan quramasy V» lıgasynyń 4-sebetine tústi. Olar Grýzııa, Grekııa, Túrkııa quramalarymen bir topqa túspeıtini belgili boldy. 

Oıyndar kestesi:

1-týr. 05-07.09.2024

2-týr. 08-10.09.2024

3-týr. 10-12.10.2024

4-týr. 13-15.10.2024

5-týr. 14-16.11.2024

6-týr. 17-19.11.2024

Eske salsaq, budan buryn fýtboldan Azııa kýbogynda jartylaı fınalǵa shyqqan quramalar anyqtaldy.