Fýtboldan UEFA lıgasy: Qazaqstandyq komandalardyń oıynyn qaıdan kórýge bolady

Olardyń qatysýymen ótetin eki oıynda «Qazsport» telearnasynan tikeleı efırde kórsetiledi.

Aldymen petropavldyq «Qyzyljar» syrt alańda Kıprdiń APOEL komandasymen kezdesedi. Oıynnyń bastalýy elorda ýaqytymen 23:00-ge belgilengen.

APOEL komandasy 1926 jyly qurylǵan. Óziniń elinde 28 márte chempıondyq ataqty jeńip aldy. Buǵan deıin eýrokýbok oıyndarynda qazaqstandyq komandalarmen jeti márte kezdesti. Onyń altaýynda elordalyq «Astanamen» sheberlik baıqasty.

Aldymen 2015/16 jylǵy kezeńde Chempıondar lıgasy tórtinshi irikteý satysynda olarǵa (0:1, 1:1) jol berdi. Odan keıin 2016/17 jylǵy kezeńde Eýropa lıgasynda V tobynda eki oıynda (2:1,1:2) bir-bir márteden jeńiske jetti. Al 2018/19 jylǵy kezeńde Eýropa lıgasy tórtinshi irikteý satysynda (1:0, 0:1 penaltıden 1:2) taǵy da jeńildi.

APOEL jáne «Qyzyljar» kezdesýinde belgııalyq Erık Lambrehts bas tóreshi bolsa, oǵan otandastary Io de Veırdt pen Matıas Hıllart kómekshilik jasaıdy. Qosalqy tóreshi de - sol eldiń ókili ıAsper Vergoote.

Taǵy bir kezdesýde Qostanaıdyń «Tobyly» syrt alańda Bosnııa jáne Gertsogovınanyń «Zrınskı» klýbymen oınaıdy. Kezdesý elorda ýaqytymen 01:00-de bastalady.

«Zrınskı» komandasy 1905 jyly qurylǵan. Óziniń elinde jeti márte chempıon atandy.

Eki komanda 2010/11 jylǵy kezeńde Eýropa lıgasynda bir márte sheberlik baıqasty. Ekeýinde de atalǵan klýb 2:1, 2:1 esebimen jeńiske jetti. Sol ketken eseni «Tobyl» qaıtara ala ma?

«Zrınskı» jáne «Tobyl» kezdesýinde portýgalııalyq Antonıý Nobre bas tóreshi qyzmetin atqarady. Oǵan otandastary Pedrý Rıbeırý men Pedrý Martınsh kómekshilik jasaıdy. Qosaly tóreshi de - sol eldiń ókili Andre Narsıshý.

Eske salsaq, budan buryn Konferentsııa lıgasy ekinshi irikteý satysynda «Tobyl» jáne «Qyzyljar» jeńiske jetip, «Astana» jáne «Qaırat» jarys jolynan shyǵyp qaldy.