Fýtboldan UEFA Konferentsııa lıgasyndaǵy qazaqstandyq klýbtardyń oıyndary qaı telearnadan kórsetiledi
NUR-SULTAN. QazAqparat - Qazaqstandyq komandalardyń qatysýymen ótetin UEFA Konferentsııa lıgasy úshinshi irikteý satysyndaǵy oıyndardyń qaı telearnadan kórsetiletini anyqtaldy, dep habarlaıdy QazAqparat tilshisi.
Aıta ketsek, elimizdiń atynan atalǵan básekede «Tobyl» jáne «Qyzyljar» komandalary baq synaıdy. Olardyń qatysýymen ótetin oıyndar «Qazsport» telearnasynan tikeleı efırde kórsetiledi.
Petropavldyq «Qyzyljar» 4 tamyzda syrt alańda Kıprdiń APOEL komandasymen kúsh synasady. Kezdesý elorda ýaqytymen 22:50-de bastalady.
Petropavldyq klýb ekinshi irikteý satysynda Horvatııanyń «Osıek» komandasyn orta jolda qaldyryp ketti.
Odan keıin Qostanaıdyń «Tobyly» syrt alańda Bosnııa jáne Gertsogovınanyń «Zrınskı» klýbymen kezdesedi. Oıynnyń bastalýy elorda ýaóytymen saǵat 00:50-ge belgilengen.
Qostanaılyq klýb eki oıynnyń nátıjesimen (2:0, 1:0) Gıbraltardyń «Lınkoln Red Imps» komandasyn orta jolda qaldyrdy.
Qarymta oıyndar 11 tamyzǵa belgilengen.
