Fýtboldan «Super Bol» jobasynyń jeńimpazy anyqtaldy
NUR-SULTAN. QazAqparat – Elordada fýtboldan «Super Bol» jobasy óz máresine jetti, dep habarlaıdy QazAqparat tilshisi.
«Super Bol» jobasynyń aqtyq oıyny «Astana Arena» stadıonynda ótti.
Fınalda «Jenis» fýtbol quramasy men arnaıy iriktelip alynǵan áýesqoı jas fýtbolısterden quralǵan «Super Bol» komandasy baq synasty.
Oıyn 6:5 esebimen «Super Bol» komandasynyń jeńisimen aıaqtaldy. ıAǵnı áýesqoı jas fýtbolıster kásibı fýtbolısterden basym túsip, jeńiske jetti.
Sondaı-aq, jarysty shetelden kelgen 60-qa jýyq skaýt baqylady. Uıymdastyrýshylardyń aıtýynsha, fınalda úzdik oıyn kórsetken, qabileti joǵary jas fýtbolıstermen kelisim jasalýy múmkin.
Aıta ketsek, «Super Bol» jobasyna kastıng 15-25 jas aralyǵyndaǵy kásibı fýtbolǵa talasy bar jastar arasynda ótti. Onda 6 myńnan astam úmitker baq synaǵan.
Oıynshylardy irikteý Nur-Sultan, Almaty, Shymkent, Semeı, Pavlodar, Aqtaý, Aqtóbe jáne Taraz qalalarynda ótti.
Buǵan deıin elordada «Super Bol» jobasynyń aqtyq oıyny ótetini týraly habarlaǵan edik.
Eske sala ketsek, «Super Bol» jas fýtbolshylar jobasyn QR Prezıdenti janyndaǵy «Dara» daryndylardy qoldaý qory jáne Freedom Broker ınvestıtsııalyq kompanııasy qolǵa alǵan.
