Fýtboldan Reseı Premer-lıgasynyń prezıdenti qazaqtyń shapanyn kıdi
ASTANA. QazAqparat - Fýtboldan Reseı Premer-lıgasynyń prezıdenti (FRPL) Sergeı Prıadkın Qazaqstan Kásipqoı fýtbol lıgasynyń (QKFL) shaqyrtýymen Almaty qalasyna keldi, dep habarlaıdy Vesti.kz.
Ol QKFL prezıdenti Azamat Aıthojın jáne QFF Seıildá Baıshaqovtyń qatysýymen ótken jınalystyń qurmetti qonaǵy bolyp qaıtty.
"Qazaqstan maǵan jat el emes. Qýana-qýana Qazaqstanǵa kelemin. Ár kelgen saıyn klýbtaryńyzdyń deńgeıi joǵarylap jatqanyn baıqaımyn. Muny qazaqstandyq komandalardyń eýrodada kórsetken nátıjelerinen baıqaýǵa bolady. Aldaǵy maýsym qyzyqqa ári kútpegen nátıjelerge toly bolady degen úmitttemin. Reseı men Qazaqstan barlyq salalarda, sonyń ishinde sportta tyǵyz qarym-qatynasta. Bizben qarym-qatynas ornatyp, jumys jatqandaryńyzǵa alǵysymdy bildiremin. Jańa maýsymda jańa belesterdi baǵyndyrýlaryńyzǵa tilektespin!" - deıdi Sergeı Prıadkın.
Azamat Aıthojın FRPL prezıdentine qazaqtyń ulttyq shapanyn syılasa, Sergeı Prıadkın óz tarapynan estelikke kádesyı berdi. Sonymen qatar, ol Qazaqstan Sýperkýbogy úshin ótken "Astana" men " Qaırat" komandalary arasyndaǵy kezdesýdi kórdi.
