Fýtboldan Premer-lıga: «Jeńistiń» bas bapkeri Rınat Alıýetov qyzmetinen ketti
Aldaǵy jyly fýtboldan Premer-lıgada oıyn kórsetýge joldama alǵan astanalyq «Jeńis» bas bapker Rınat Alıýetovtiń qyzmetinen ketkenin málimdedi, dep habarlaıdy Kazinform. Bul jóninde komandanyń baspasóz qyzmeti málim etti.
Onda komanda basshylyǵy Rınat Alıýetovtiń raqmetin bildirip, aldaǵy jumysyna sáttilik tilegen.
34-jastaǵy qazaqstandyq maman elordalyq komandaǵa 2022 jyldyń mamyr aıynan bastap jetekshilik jasady.
2023 jylǵy fýtbol maýsymynyń qorytyndysymen birinshi lıgada alǵashqy úshtikke ilikken semelik «Elimaı», túrkistandyq «Turan» jáne astanalyq «Jeńis» Premer-lıgaǵa joldama aldy.
«Jeńis» fýtbol klýby 1964 jyly qurylǵan. 2000, 2001, 2006 jyldarda el chempıony atandy.
2008 jyldan beri Premer-lıgada oıyn kórsetken joq.
