Fýtboldan premer-lıga: 24-týr oıyndarynyń kestesi jarııalandy

Búgin fýtboldan premer-lıga komandalary arasyndaǵy el birinshiliginiń 24-týry bastalady, dep habarlaıdy QazAqparat tilshisi.

Atalǵan týr 30 qyrkúıek jáne 1 qazan kúnderi ótedi. Senbide 2 oıyn bolsa, qalǵany jeksenbige belgilengen.

Búgin saǵat 17:00-de «Shahter» (Qaraǵandy) men «Tobyl» (Qostanaı) atalǵan týrdyń alǵashqy kezdesýin ótkizedi.

Odan keıin 19:00-de «Aqtóbe» men «Astana» jasyl alańǵa shyǵady.

Al 1 qazanda 15:00-de «Aqsý» (Pavlodar oblysy) men «Qaısar» (Qyzylorda), «Qyzyljar» (Petropavl) men «Oqjetpes» (Kókshetaý), odan keıin 16:00-de «Jetisý» (Taldyqorǵan) men «Ordabasy» (Shymkent) oınaıdy.

Atalǵan týrda 17:00-de «Kaspıı» (Aqtaý) men «Qaırat» (Almaty), 21:00-de «Atyraý» men «Maqtaral» (Túrkistan oblysy) sheberlik baıqasady.

Aıta ketsek, qazirge deıin kósh basynda 52 upaımen «Ordabasy» keledi. Odan keıingi oryndardaǵy «Astanada» – 49, «Aqtóbede» 45 upaı bar.

Eske salsaq, budan buryn keıinge qaldyrylǵan 15 jáne 18-týr oıyndary ótkizilgen bolatyn.