Fýtboldan premer-lıgadaǵy el chempıonatynyń alǵashqy týry jańalyqtarǵa toly boldy
ALMATY. 11 naýryz. QazAqparat - Keshe Qazaqstannyń 7 qalasynda fýtboldan premer-lıgadaǵy 2012 jylǵy el chempıonatynyń alǵashqy týr oıyndary ótti.
Onda eń iri esep Qostanaıdyń «Tobyly» men Almatynyń «Qaıraty» arasynda (4:0) tirkeldi. Eki oıyn 1:0, eki oıyn 2:0, bir oıyn 3:0 jáne bir oıyn 2:3 esebimen aıaqtaldy. Al chempıonattyń tuńǵysh goly «Oqjetpes» pen «Aqjaıyq» arasyndaǵy kezdesýde soǵyldy. Ony oraldyq Igor Zenkovıch kókshetaýlyqtar qaqpasyna belgilengen 11 metrlik aıyp dobyn oryndaý kezinde engizdi.
Bul synda ótken jyly el chempıony bolǵan Qaraǵandynyń «Shahteri» men kúmis júldeger atanǵan Taldyqorǵannyń «Jetisýy» syrt alańda Pavlodardyń «Ertis» pen Qaskeleńniń «Suńqar» komandalaryna 0:1 esebimen jeńilis tapty. Qola júldeger atanǵan «Aqtóbe» Qyzylordada «Qaısardan» 0:2 esebimen basym tústi. 2011 jylǵy Qazaqstan kýbogynyń jáne 2012 jylǵy Qazaqstan sýperkýbogynyń ıegeri bolǵan Shymkenttiń «Ordabasy» fýtbol komandasy syrt alańda «Atyraýdan» 3:2 esebimen basym tústi. Kókshetaýdyń «Oqjetpesi» óz alańynda Oraldyń «Aqjaıyǵyna» 0:3 bolyp utylsa, Qostanaıdyń «Tobyly» óz alańynda Almatynyń «Qaıratyn» 4:0 esebimen oısyrata jeńdi. Al «astanalyqtar» óz alańynda «Tarazǵa» 0:2 esebimen ese jiberdi.
El chempıonatynyń 2-týry 18 naýryzda ótedi. Onda «Shahter» men «Aqtóbe», «Jetisý» men «Qaısar», «Taraz» ben «Suńqar», «Ordabasy» men «Astana», «Aqjaıyq» pen «Atyraý», «Qaırat» pen «Oqjetpes», «Ertis» pen «Tobyl» kezdesedi.
