Fýtboldan Premer-lıgadaǵy el chempıonatynyń 4-týry ótedi

  Onda  «Shahter» men  «Jetisý», «Taraz» ben «Aqtóbe», «Ordabasy» men «Qaısar», «Aqjaıyq» pen «Suńqar», «Qaırat» pen «Astana», «Ertis» pen Atyraý», «Tobyl» men «Oqjetpes» ózara sheberlik baıqasady. Qazir alǵashqy 3 týrdyń qorytyndysy boıynsha týrnır kestesinde 9 upaımen «Ertis» (Pavlodar)  pen «Taraz» komandalary kósh bastap keledi. Olardan 3 upaıy kem «Aqjaıyq» (Oral), «Aqtóbe»,  «Tobyl» (Qostanaı) úzdik bestiktiń qatarynda kele jatyr. Qorjynynda 4 upaıy bar «Ordabasy» (Shymkent) men «Suńqar» (Qaskeleń) 6-7 orynda tur.   «Atyraý», «Shahter» (Qaraǵandy) «Astana», «Jetisý» (Taldyqorǵan) men  «Qaıratta» (Almaty) 3 upaıdan bar. Týrnır kestesin túıindep turǵan  Qyzylordanyń «Qaısary» men Kókshetaýdyń «Oqjetpesinde» ázirge birde bir upaı joq. Al chempıonattyń mergender kóshin qarsylastar qaqpasyn 4 ret dál kózdegen  qostanaılyq Baýyrjan Jolshıev bastap keledi. Odan keıingi oryndy 3 doppen  taldyqorǵandyq Edın Enýzovıch pen oraldyq  bólisýde.