Fýtboldan Premer-lıga oıyndary: «Qaırat» pen «Tobyl» jeńiske jetti
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń tórtinshi týry jalǵasyp, taǵy eki oıynnyń nátıjesi belgili boldy, dep habarlaıdy QazAqparat tilshisi.
Ekinshi oıyn kúnine úsh kezdesý belgilengen. Qazirge edıin onyń ekeýi aıaqtaldy.
Alǵashqy oıynda Qostanaıdyń «Tobyly» syrt alańda Taldyqorǵannyń «Jetisýyn» 2:0 esebimen súrindirdi. Kezdesý barysynda qostanaılyq klýb sapynan Aleks Amanovıch 25, Elgýdja Lobjanıdze 74-mınýttarda mergendik tanytty.
Taǵy bir oıynda Almatynyń «Qaıraty» óz alańynda Túrkistannyń «Turan» klýbyna 5:1 esebimen oısyrata jeńdi. Almatylyq komanda sapynan birinshi kezeńde Aıbol Ábiken 2, 30, Kamo Oganesıan 5, Hose Kante 43-mınýttarda gol soqty. Ekinshi kezeńniń 90-mınýtynda «Turan» fýtbolshysy Qasymhan Taıypov esep aıyrmasyn qysqartsa, kóp uzamaı «Qaırat» shabýylshysy Aderınsola Eseola oıynnyń núktesin qoıdy.
Atalǵan týrdaǵy tórt oıyn keshe, 9 sáýirde ótkizilgen bolatyn.
Sol kúni «Taraz» Qaraǵandynyń «Shahterin» 4:0 esebimen tize búktirse https://kaz.inform.kz/news/futboldan-kazakstan-chempionatynda-taraz-kosh-bastady_a3774443, Oraldyń «Aqjaıyǵy» Petropavldyń «Qyzyljaryna» 0:1 esebimen ese jiberdi. Al «Aqtóbe» men «Ordabasy» 4:4 esebimen teń tústi.
Atalǵan týrdaǵy sońǵy oıyn búgin 19.00-de elordada «Astana» men «Atyraý» arasynda bolady.
