Fýtboldan premer-lıga: «Ordabasy» «Tobylmen» teń tústi
ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 21-týrynda Shymkenttiń «Ordabasy» klýby Qostanaıdyń «Tobyl» komandasymen teń tústi, dep habarlaıdy QazAqparat tilshisi.
Kezdesý barysynda qarsylastar tartysty oıyn ótkizdi. Jeńgen jaǵdaıda «Ordabasy» bas báıgege úmitker komandalardan uzap ketetin edi.
Atalǵan týrda olardy ókshelep kele jatqan «Aqtóbe» teń tússe, «Astana» qarsylasyna ese jiberip qoıdy. Bul múmkindikti tıimdi paıdalana bilse, «Ordabasy» týrnır kestesindegi jaǵdaıyn odan ári jaqsarta túsetin edi.
Degenmen oıyn barysynda eki komandanyń da esep ashatyn birneshe múmkindigi bolǵan edi. Degenmen ol múmkindikterdi múlt jiberip aldy.
Nátıjesinde komandalar 0:0 esebimen teń oınady.
Bul kezdesýden keıin «Ordabasy» «Aqtóbeden» segiz, «Astanadan» toǵyz upaıǵa ozyp tur.
Ózge oıyndardaǵy nátıjeler tómendegishe: «Atyraý» - «Aqtóbe» 0:0, «Qyzyljar» - «Aqsý» 1:0, «Qaırat» - «Astana» 1:0, «Oqjetpes» - «Kaspıı» 3:3, «Qaısar» - «Jetisý» 1:1, «Maqtaaral» - «Shahter» 3:1.
Ulttyq quramanyń 2024 jylǵy Eýropa chempıonaty irikteý satysyndaǵy oıyndaryna baılanysty el birinshiliginde eki aptadan astam úzilis bolady.
Endi aldaǵy týr oıyndary 15 jáne 16 tamyz kúnderi ótkiziledi.
