Fýtboldan Premer-Lıga komandalary arasynda el chempıonatynyń 1-shi týr oıyndary ótti
ALMATY. Naýryzdyń 23-i. QazAqparat /Erlik Erjanuly/ - Keshe elimizdiń 4 qalasynda fýtboldan Qazaqstan chempıonatynyń 1-shi týr oıyndary ótti, dep habarlaıdy QazAqparat.
Holger Fah jattyqtyratyn astanalyq «Lokomotıv» óz alańynda almatynyń «Qaıratymen» upaı bólisti (0:0). Byltyr 1-shi lıgada óner kórsetip, Premer-Lıgaǵa bıyl qaıta oralǵan Sergeı Volgınniń tálimgerleri el chempıonatynyń kúmis júldegerimen terezesi teń oıyn kórsetti. Al Premer-Lıgada bıyl alǵash ret óner kórsetken Andreı Chernyshev baptaıtyn oraldyń «Aqjaıyǵy» óz alańynda Talǵat Baısýfınovtan tálim alǵan Pavlodardyń «Ertisinen» (1:4) oısyraı utyldy. Byltyr 4-shi orynǵa taban tiregen qostanaıdyń «Tobyly» syrt alańda tarazdyqtardan 1:0 esebimen basym tústi. Jańa maýsymǵa daıyndyq kezinde Anatolıı ıÝrevıchtiń jattyqtyrýymen jastar quramasymen bolǵan joldastyq kezdesýde (3:1) mereıi ústem shyqqan shymkenttiń «Ordabasy» komandasy óz alańynda kókshetaýdyń «Oqjetpesimen» 1:1 esebimen teń tústi. Al aýa raıynyń qolaısyzdyǵyna baılanysty «Aqtóbe» men «Atyraý», «Jetisý» men «Shahter» komandalarynyń arasyndaǵy kezdesýler keıinge shegerildi. Endi 2-shi týrdyń oıyndary naýryzdyń 28-inde bolady. Ol «Atyraý" men "Tobyl", "Shahter" men "Aqtóbe", "Ertis" pen "Ordabasy", "Oqjetpes" pen "Lokomotıv", "Qaırat" pen "Jetisý", "Taraz" ben "Aqjaıyq" arasynda ótedi.
