Fýtboldan premer-lıga: «Aqtóbe» «Oqjetpesti» oısyrata jeńdi
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 2-týrynda «Aqtóbe» kezekti jeńisine qol jetkizdi , dep habarlaıdy QazAqparat tilshisi.
Aqtóbelik klýb óz alańynda Kókshetaýdyń «Oqjetpes» komandasyn qabyldady.
Aldymen kókshetaýlyq klýbtan Alekseı Tataev 11-mınýtta esep ashty.
Odan keıin aqtóbelik Álibek Qasym 26, Maksım Samorodoa 41, 45-mınýtta úsh gol soqty.
Ekinshi kezeńde alań ıelerinen Idrıs Ýmaev 76, Eskendir Qybyraı 89-mınýtta esepti ústemeleı tústi.
Osylaısha «Aqtóbe» qarsylasynan 5:1 esebimen basym tústi.
Qazirge deıin syrt alańda elordalyq «Astana» Taldyqorǵannyń «Jetisýyn» 2:0, shymkenttik «Ordabasy» qaraǵandylyq «Shahterdi» 4:1 esebimen súrindirdi.
Sondaı-aq, búgin «Aqsý» (Pavlodar oblysy) men «Qaırat» (Almaty) komandalary kezdesedi.
Erteń, 10 naýryzda «Kaspıı» (Aqtaý) men «Tobyl» (Kostanaı), «Atyraý» men «Qaısar» (Qyzylorda), «Qyzyljar» (Petropavl) men «Maqtaral» (Túrkistan oblysy) komandalary kezdesedi.
