Fýtboldan premer-lıga: 17-týr oıyndarynyń kestesi jarııalandy

ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 17-týry bastalady, dep habarlaıdy QazAqparat tilshisi.

Atalǵan týr 29 jáne 30 shilde kúnderi ótedi. Senbide 3 oıyn bolsa, jeksenbige 2 kezdesý belgilengen.

Búgin saǵat 19:00-de «Qyzyljar» (Petropavl) men «Astana» atalǵan týrdyń alǵashqy oıynyn ótkizedi.

Al 21:00-de «Qaısar» (Qyzylorda) men «Qaırat» (Almaty), 20:00-de «Aqsý» (Pavlodar oblysy) men «Shahter» (Qaraǵandy) oınaıdy.

Al 30 shildede 19:00-de «Kaspıı» (Aqtaý) men «Aqtóbe», 20:00-de «Atyraý» men «Jetisý» (Taldyqorǵan) kezdesedi.

Atalǵan týrdyń 10 shildede aldyn ala ótkizilgen oıynynda «Oqjetpes» (Kókshetaý) «Ordabasy» (Shymkent) komandasyna 0:4 esebimen jol bergen edi.

Al «Maqtaaral» (Túrkistan oblysy) men «Tobyl» (Qostanaı) kezdesýi belgisiz merzimge keıinge qaldyryldy.

Eske salsaq, budan buryn Konferentsııa lıgasynda «Tobyl» syrt alańda Shveıtsarııanyń «Bazel» komandasyn jeńdi.