Fýtboldan premer-lıga: 15-týr oıyndarynyń kestesi jarııalandy

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 15-týrynyń bes oıyny bastalady, dep habarlaıdy QazAqparat tilshisi.

Atalǵan týr 15 jáne 16 shilde kúnderi ótedi. Búgin 4 oıyn bolsa, 16 shildede bir kezdesý belgilengen.

Bul týrdaǵy bir oıyn aldyn ala ótkizilse, bireýi keıinge qaldyrylǵan.

Búgin, 15 shilde, saǵat 17:00-de «Oqjetpes» (Kókshetaý) pen «Qaırat» (Almaty) atalǵan týrdyń alǵashqy oıynyn ótkizedi.

Al 19:00-de «Maqtaral» (Túrkistan) men «Qaısar» (Qyzylorda), «Shahter» (Qaraǵandy) men «Aqtóbe» sheberlik baıqasady.

Saǵat 20:00-de «Atyraý» men «Ordabasy» (Shymkent) kezdesedi.

16 shildede 20:00-de «Kaspıı» (Aqtaý) pen «Jetisý» (Taldyqorǵan) oınaıdy.

Bul týrdaǵy «Aksý» (Pavlodar oblysy) men «Astana» kezdesýi 24 mamyrda ótkizilip, elordalyq komanda 1:0 esebimen basym tústi.

Endi 27 qyrkúıekte «Qyzyljar» (Petropavl) men «Tobyl» (Qostanaı) jasyl alańǵa shyǵady.

Eske salsaq, budan buryn fýtboldan birinshi lıgada «Turan» toǵyz oıyn qatarynan jeńiske jetti.