Fýtboldan premer-lıga: 14-týr oıyndarynyń kestesi jarııalandy

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 14-týrynyń bes oıyny bastalady, dep habarlaıdy QazAqparat tilshisi.

Atalǵan týr 1 jáne 2 shilde kúnderi ótedi. Búgin 3 oıyn bolsa, 2 shildede eki kezdesý belgilengen.

Búgin,1 shilde, saǵat 18:00-de «Maqtaaral» (Túrkistan oblysy) men «Aqtóbe», «Jetisý» (Taldyqorǵan) men «Shahter» (Qaraǵandy) atalǵan týrdyń alǵashqy oıyndaryn ótkizedi.

Al 21:00-de «Qaısar» (Qyzylorda) men «Oqjetpes» (Kókshetaý) sheberlik baıqasady.

2 shilde, saǵat 20:00-de «Tobyl» (Qostanaı) men «Atyraý» (Almaty), «Ordabasy» (Shymkent) men «Aqsý» (Pavlodar oblysy) kezdesedi.

Sondaı-aq 2 shildede 13-týrdyń eki oıynynda 17:00-de «Qyzyljar» (Petropavl) pen «Qaırat» (Almaty), 19.00-de «Kaspıı» (Aqtaý) men «Astana» oınaıdy.