Fýtboldan Portýgalııa quramasynyń bas bapkeri taǵaıyndaldy
ASTANA. QazAqparat – Ispanııalyq maman Roberto Martınes Portýgalııa quramasynyń bas bapkeri bolyp taǵaıyndaldy, dep habarlaıdy QazAqparat tilshisi.
Shampionat.com saıtynan alynǵan málimetke qaraǵanda, bul týraly Portýgalııa fýtbol federatsııasynan habarlady.
R.Martınes osyǵan deıin 2014-2022 jyldary Portýgalııany jattyqtyrǵan portýgalııalyq maman Fernandý Santýshty almastyrady.
Qatarda ótken álem chempıonatynda F.Santýshtyń shákirtteri shırek fınalda Marokko quramasyna 0:1 esebimen jol bergen edi.
49 jastaǵy Martınes 2016-2022 jyldary Belgııa quramasynyń tizginin ustady. Álem chempıonatynan keıin ol da Santýsh sekildi óz ornyn bosatqan edi.
Martınestiń halyqaralyq deńgeıdegi eń iri tabysy – Belgııa quramasymen qol jetkizgen 2018 jyly Reseıde ótken álem birinshiliginiń qola júldesi. Ol sondaı-aq «Sýonsı», «Ýıgan» jáne «Everton» klýbtaryn jattyqtyrdy.
Eske sala keteıik, budan buryn Dıde Deshamnyń Frantsııa quramasyn 2026 jylǵa deıin jattyqtyratynyn bolǵanyn jazǵan edik.
Sondaı-aq Frantsııa fýtbol federatsııasy prezıdentiniń Zınedın Zıdanǵa qatysty sózinen daý shyqty.
Foto: Shampionat.com.
