Fýtboldan Portýgalııa quramasynyń bas bapkeri qyzmetinen ketti

ASTANA. QazAqparat - Fýtboldan Portýgalııa quramasynyń bas bapkeri Fernandý Santýsh qyzmetinen ketti, dep habarlaıdy QazAqparat tilshisi.

Qatarda ótip jatqan fýtboldan 2022 jylǵy álem chempıonatynda Portýgalııa quramasy shırek fınalǵa deıin jetti. Jarystyń atalǵan satysynda olar Marokkoǵa jol berdi.

68-jastaǵy maman ulttyq quramaǵa 2014 jyldan beri jetekshilik etip keledi. Onyń jetekshiligimen Portýgalııa 2019 jyly UEFA Ulttar lıgasynda chempıon atandy.

Portýgaldyq fýtbolshylar 2020 jylǵy Eýropa chempıonatynda 1/8 fınalda Belgııaǵa jeńilse, 2018 jylǵy álem chempıonatynda jarystyń atalǵan satysynda Ýrýgvaıǵa ese jiberdi.

Eske salsaq, budan buryn Nıderland quramasyna bas bapker taǵaıyndaldy.

Foto: globallookpress.com