Fýtboldan Ózbekstan quramasyn belgili argentınalyq bapker jattyqtyrady
TAShKENT. QazAqparat - Ózbekstan fýtbol qaýymdastyǵy ulttyq quramasyn jattyqtyrýǵa belgili argentınalyq bapkerdi shaqyrdy, dep habarlaıdy «QazAqparat» HAA-nyń menshikti tilshisi.
«Ózbekstan fýtbol qaýymdastyǵy Ózbekstan ulttyq quramasyn jattyqtyratyn bapkermen kelissózderdi aıaqtady. Ózbekstan ulttyq qurama komandasynyń bas bapkeri 6 tamyz kúni resmı tanystyrylady», - dep málimdedi qaýymdastyqtyń baspasóz qyzmeti.
Qaýymdastyqtyń birinshi vıtse-prezıdenti Ýmıd Ahmatjanovtyń aıtýynsha, Ózbekstan quramasyn halyqaralyq tájirıbesi mol bapker jattyqtyrýy tıis. Osyǵan oraı, Ózbekstan fýtbol qaýymdastyǵy onnan astam mamanmen kelissózder júrgizip, aqyr sońynda argentınalyq tájirıbeli maman Ektor Kýperge toqtalǵan. Ol Ispanııanyń «Malorka», «Valensııa», «Real Betıs», Italııanyń «Parma», «Inter» komandalaryn jattyqtyrǵan.
