Fýtboldan Ózbekstan quramasy Nıderlandyǵa qarsy joldastyq match ótkizedi
TAShKENT. KAZINFORM – Álem chempıonatyna daıyndyq aıasynda ózbekstandyq fýtbolshylar búgin ekinshi joldastyq kezdesý ótkizedi, dep habarlaıdy Kazinform agenttiginiń Tashkenttegi menshikti tilshisi.
Ózbek fýtbolshylarynyń bul jolǵy qarsylasy - Nıderlandynyń ulttyq quramasy. Kezdesý Nıý-Iorktegi «Icahn» stadıonynda ótedi. Match elorda ýaqyty boıynsha 23:45-te bastalady.
Eske salaıyq, buǵan deıin Ózbekstan quramasy Kanadaǵa qarsy oınap, 0:2 esebimen ese jiberdi.
Buǵan deıin habarlaǵanymyzdaı, bıyl kórshiles eldiń sportshylary Álem chempıonatynyń toptyq kezeńindegi alǵashqy oıynyn 18 maýsymda Kolýmbııaǵa qarsy ótkizedi.
Taıaýda elimizdiń Syrtqy ister mınıstrligi fýtboldan Álem chempıonatyna baratyn qazaqstandyqtarǵa eskertý jasaǵan edi.
