Fýtboldan mektep lıgasynda №48 mektep jeńimpaz atandy
ASTANA. 20 sáýir. QazAqparat - Qalanyń №48 mektep lıtseıi Astana ákiminiń júldesi úshin ótken fýtboldan Mektep lıgasynda jeńimpaz atanyp, Túrkııanyń oqý-jattyqtyrý ortalyǵyna joldama aldy.
Birinshi oryn úshin básekede jeńimpazdar úsh aınalymǵa túsip, 47 komandany artqa tastady. Sóıtip, sońǵy týrda kósh bastady, dep habarlaıdy astana.kz saıtyna Astana qalasynyń Týrızm, dene tárbıesi jáne sport basqarmasynan.
Ekinshi oryndy № 25 orta mektep ıelendi. Úshinshi oryndy № 56 mektep-lıtseı qanaǵat tutty. Endi júldeger komandalar mamyr aıynyń basynda ótetin «Bylǵary dop» respýblıkalyq týrnırinde Astananyń namysyn qorǵaıtyn bolady. Jeńimpazdar shamamen mamyr aıynyń sońynda jazǵy kanıkýldary kezinde eki aptalyq jıynǵa Túrkııaǵa attanady. Onda olar halyqaralyq fýtbol týrnırine de qatysady.
Jeńimpaz komandadan bólek túrikterdiń fýtbol ortalyǵyna ózderin úzdik fýtbolshy retinde tanytqan taǵy da úsh fýtbolshy barady. № 28 orta mekteptiń ókili Petr Marchenko úzdik shabýylshy dep tanyldy. Ol týrnır kezinde 38 ret qaqpaǵa dop engizdi. Qazaq-túrik lıtseıiniń oqýshysy Ernur Tursynov «Úzdik qorǵaýshy» qurmetti ataǵyna ıe boldy. Ol óziniń sheberligin endi Bosfor jaǵalaýynda jetildiretin bolady. № 54 orta mektep oqýshysy Rýslan Tólenov týrnırdiń «Úzdik qaqpashysy» atandy.
Jeńimpaz komandanyń jattyqtyrýshysy, №48 mektep-lıtseıdiń dene tárbıesi pániniń muǵalimi Batyrhan Alpysbaev óziniń shákirtterin maqtanysh tutyp, jarysty uıymdastyrýshylarǵa alǵys sezimin bildirdi.
Balalardy «Astana-1964» komandasynyń oıynshylary mektep maýsymynyń aıaqtalýymen quttyqtap, negizgi kezeńiniń barlyq 20 komandasyna fýtbol doptaryn syıǵa tartty.
Eske salaıyq, Mektep Lıgasy bıylǵy jyly 10 qańtarda bastaldy. Birinshi aınalymǵa qalanyń 48 mektebinen komanda qatysty. Olar barlyǵy - 576 jas fýtbolshylar. Barlyq komanda on kishi topqa bólinip, ózara oıyn órnekterin kórsetti. Ár kezeńde eki úzdik komanda týrnırdiń negizgi komandasyna enip otyrdy. Bıylǵy jyly Lıga 1998-1999 jyldary týǵan jasóspirim fýtbolshylardy biriktirdi. Ótken jyly № 28 orta mektep komandasy jeńimpaz atanyp edi.
